انه دیل (قوشغی)

Bu goşgy Türkmen sähraly şahyr Mänsur Teberi ( Türkmen Ogly ) den. Munyň aýdymyny şahyryň öz sesi bilen eşitjek bolsaňyz ýokarky linkiň üstüne click ediň. Bu aýdym MP3 formatindedir.

Ene Dil انه دیل

Gulak goýuň gardaşlar قولاق قوْیونگ قارداشلار

Oýlanyň bu sözlere اوْیلانینگ بو سؤزلره

Türkmen dili galyp dur تورکمن دیلی قالیپ دوُر

Ýaş dolsun bu gözlere یاش دوْلسون بو گؤزلره

Täze täze sözleri تأزه تأزه سؤزلری

Aýry dilden goşdular آیری دیلدن قوْشدیلار

Türkmen dilin kiçeldip تورکمن دیلین کیچلدیپ

Öz dilinden geçdiler اؤز دیلیندن گچدیلر

Şahyr diýip goşduk biz شاهیر دییپ قوْشدیق بیز

Goşgulary ýürekden قوْشغی لاری یورکدن

Emma onuň güýji ýok إمما اوْنونگ گویجی یوْق

Birje döwüm çörekden بیرجه دؤوم چؤرکدن

Öwretmeli ýaşlara اؤورتمِلی یاشلارا

Ene ata öýünde انه آتا اؤیونده

Ýörütmeklik bu dili یؤروتمک لیک بو دیلی

Şahyrlaryň boýunda شاهیرلارینگ بوْییندا

Aty galdy çapgyda آتی قالدی چاپغی دا

Sazy galdy toýlarda سازی قالدی توْیلاردا

Galmasyn Türkmen dili قالماسین تورکمن دیلی

Çölde galan öýlerde چؤلده قالان اؤیلرده

Bir-ikini bilmese بیر ایکی-نی بیلمسه

Ýek-do diýip sanaýar یک دو دییپ سانایار

Öz dilinden el çekip اؤز دیلیندن ال چکیپ

Aýry dile ýanaýar آیری دیله یانایار

Enesine Mamany انه-سینه مامانی

Diýer Papaň çagasy دییه-ر پاپانگ چاغاسی

Ejekesi Ämmedir اجکه-سی عمّه-دیر

Ämu boldy Agasy عمو بوْلدی آغاسی

Daýzasyda galmady دایزاسی-دا قالمادی

Öz paýynyň yzyndan اؤز پایینیگ ایزیندان

Daýzasy Hale boldy دایزا-سی خاله بوْلدی

Artdyrypdyr pozundan آرتدیریپ-دیر پوْزوندان

Sallançaga Tab diýip ساللانچاغا تاب دییپ

Suw ýerine Ab içýär سوو یرینه آب ایچیأر

Bir gapy ýapyk bolsa بیر قاپی یاپیق بوْلسا

Baz ederin diýp açýar باز ادرین دییپ آچیار

Miwalar gaçdy dilden میوا لار قاچدی دیلدن

Bagu-bustan diliňden باغ و بوستان دیلینگدن

Ärmit boldy Golaby أرمیت بوْلدی گلابی

Diliň gitdi eliňden دیلینگ گیتدی الینگدن

Mah aýdan owadan ماه آیدان آوادان

Aftab günden ýagtyrak آفتاب گوندن یاغتی راق

Sändäli girse dile صندلی گیرسه دیله

Oturgaçdan bagtlyrak اوتورغاچ دان باغتلی راق

Türkmen gyz Gelin bolsa تورکمن قیز گلین بوْلسا

Ärus boldy diýdiler عروس بوْلدی دییدیلر

Horaz dilden gaçanda هوْراز دیلدن قاچاندا

Hurus boldy diýdiler خروس بوْلدی دییدیلر

Aýasyna Käf diýip آیا-سینا کف دییپ

Goşaryna Moç diýär قوْشارینا مچ دییأر

Ökjeside Paşnedir اؤکجه سی-ده پاشنه دیر

Ýok ýerine Noç diýär یوْق یرینه نوچ دییأر

Türkmen gyzlar ýigitler تورکمن قیزلار ییگیت لر

Parsça gürläp guwanýar پارسچا گورلأپ قووانیار

Pars dilini ulaldyp پارس دیلنی اولالدیپ

Öz dilinden utanýar اؤز دیلیندن اوتانیار

Parsyň dili milli dil پارسینگ دیلی میللی دیل

Sözlemegi süýjidir سؤزله-مِگی سویجی-دیر

Ene dilin unutmak انه دیلین اونوتماق

Türkmen dile iýjidir تورکمن دیله اییجی-دیر

Serhetden aşyp gitseň سرحد-دن آشیپ گیتسنگ

Orsça girer diliňe اوْرسچا گیرر دیلینگه

Türkmensähraň içinde تورکمن صحرانگ ایچینده

Parsça girer diliňe پارسچا گیرر دیلینگه

Parsalar bize dogandyr پارس لار بیزه دوْغان-دیر

Agzalalyk bolmasyn آغزالالیق بوْلماسین

Türkmen dili namysdyr تورکمن دیلی نامیس-دیر

Namysymyz ölmesin نامیسیمیز اؤلمه-سین

Türkmen sünnet däbini تورکمن سنّت دأبینی

Hormat bilen saklaýlyň حرمت بیلن ساقلایلینگ

Ylaýta-da dilini ایلایتا-دا دیلینی

Hor etmäni saklaýlyň هوْر إتمأنی ساقلایلینگ

Türkmen ogly utanmaz تورکمن اوْغلی اوتانماز

Ene diliň sözüne انه دیلینگ سؤزینه

Ene dilin bilmeýän انه دیلین بیلمه-یأن

Gara çeksin ýüzüne قارا چکسین یؤزینه

 

منبع:

www.margush.ir
مارقوش ترکمن صحرا – یاشار نیازی

1449 229 – 1228 222
موبایل : 1449 229 0939

یازغیلاردان قوللانماق اوچین چشمه‌سینینگ آدین گتیرمک گرک.

استفاده از مطالب سایت با ذکر منبع مانعی ندارد.