تورکمنستانینگ آسمان یوللارنینگ تأزه مومکینچیلیکلری
ترکمنستان- مارقوش: 17/9/2016 ییلدا ترکمنستانینگ پرزیدنتی قربانقلی بردی محمدفینگ قاتناشماغیندا پایتختیمیزدا عشق آباد خلق خلق آرا هوا منزلینینگ دابارالی آچیلیشی بولدی. مرکزی آسیا و دنیاده تکنلوژی تایدان اؤپجونلیگی بویونچا اؤنگده باریجیلارینگ بیری بولان بو توپلوم 1200 هکتاره قولای میدانی ایهلأپ 100 دن غاوراق دستگاهنی اؤز ایچینه آلیار.
اولارینگ 48سی اساسی دستگاهلار بولوپ دوریار.بو دستگاهلارینگ حاطاریندا باش ایکینجی یولاغچی و یوک ترمینالینی ،اوچارلاره تکنلوژی خذمات اتیأن آنغارلار توپلومونی اوقوو همده لوقمانچیلیق مرکزلینی و کوپ سانلی بیلهکی دستگاهلاری گؤرکزمک بولار. بأش قاتلی (5 طبقه) باش ترمینالینینگ توتیان میدانی 19 هکتاردان هم گچیأر.
اول بیر یلدا 14 میلیون یولاغچا خذمت ادر 3 میلیون دان غاوراق یولاچینی قبول اتمأگه نیئتلنن ایکینجی ترمینال بیلن بیلهلیکده حاضرکی زمان هوا منزلی جمعی 17 میلیوندان هم کؤپ آداما باشغاچا آیدیلاندا ساعتدا ایکی مونگه قولای یولاغچا خذمت اتمأگه ممکینچیلیک برر. یوک ترمینالی بولسا 200 مونگ تُندا یوکی اوستوندن گچیرر.تازه هوا منزلینینگ اوزینلیغی 3800 متره یتیأن.
اهلی اؤپجونلیک اولغامی بولان ایکی سانی اوچیش- قونیش زولاغی بار. هوا حرکتینی دولاندیریش قوللوغیندا اینگ اؤنگده باریجی نابیگاسییا انجاملاری اوتوریلدی. دوره باپ هوا منزلی خلقآرا درجهسینده خذمت ادیپ دورلی گورنیشلی و آغراملی اوچارلاری قبول ادیپ بیلر. تازه خلق آرا هوا منزلرینینگ بناگارلیک کشبی یردن آیاغینی اؤزمأگه همده آسمانا اوچماغا تاییار بولوپ دوران أگیرت قوشونگ شکللنندیگی بیلن تاپاوتلانیار.
بناگارلیک-غورلوشوق ایشلرینینگ بو عاجاییپ نوسخاسی آلیسلاردان هم گؤرینیأر. دستگاهنینگ ایچی یاختی رنگکلردأکی ستونلی و تولقون گؤرنوشلی بییک گنبدلر پالمالار،گوللر،بزهگ پاننولری و بیلهکی قیزیقلی دیزاینر چؤزگیتلری بیلن بزهلیپدیر. بو یاغدای یولاغچیلاردا یاقیملی تاثیرلری دورهدیپدیر اولارینگ وقتینی گوونهجای گچیرمهگینی و شادیانلیقدا یولا دوشمگینی اوپچین اتیأر. شیله هم اساسی یولاغچی ترمینالینینگ یوقارسیندا اینگ اولی حالی گؤلینینگ (705 متر)شکللندیرمگی نتیجهسینده عشق آباد خلق آرا هوا منزلی گیننِسینگ رکوردلار کتابینا گیریزیلدی.
آماندوردی نساری 1395/7/15 شمسی ییل