بیرلشن ملّتلر قوراماسینینگ اولغاميندا ترکمنستانینگ اورنی پوختالانیار
مارقوش تورکمن صحرا- اخبار ترکمنستان: «آچيق قاپيلار » سياستينا و هميشهليك اؤنگين بي طاراپليق يؤرلگهلرينه لايق گليأن گينگ خلق آرا خيذماتداشليق قاتناشيق لارينا اقرارلي بولان توركمنستان سايلاپ آلان يولي بيلن ايناملي غادام اوروپ، اهلی عموم هووپ سيزليق اولغامينينگ بركيديلمه گينده مهم اورني ايهلأن ب.م.ق. بيلن نتيجهلي،اؤز آرا غيزيقلانما بيلديريأن قاتناشيقلاري ايزگيدرلي اؤسدوريأر.
توركمنستانينگ اونگين داشاري سياست استراتژي نتيجهسينده دونيأنينگ سياسي، اقتصادي و حقوق اولغامينا قوشولماق بيلن، بو يري خلق آرا قوراماسينينگ آبرايلي دؤزملرينه و اقتصادي ادارهلارينا قاتناشيجي حؤكمينده وكيل چيليك اتمك يالي مهم اوغورلاردأكي سياستيني حاصدا ايشجنگلشديردي. 2010 نجي ييلدان بأري ايكي ييل باسسير، ب. م.ق.نينگ مركزي آسيا يوورت لرينينگ اقتصاديت لاري اوچين اروپا اقتصادي كميتهسي طاراپیندان ايشلهنليپ تاييارلانيلان يؤريته مقصدناماسينينگ باشليق ليغينا، 2011–نجي ييل نگ آوريل آييندا ب.م.ق-نينگ آبرايلي قورامالارينينگ اوچيسي نينگ(3) 2012-2015 –نجي ييللاردا ايلات و اؤسيش بويونچا ب.م.ق-نينگ كميتهسينينگ،شول دؤور اوچين ب.م.ق-نينگ نأشه(نشه) سريشتهلري بويونچا كميتهسينينگ،هميشهليك اساسدا ب.م.ق-نينگ بوسغونلارينگ ايشي بويونچا يوقاري كوميساري نينگ مقصدناماسينينگ يرينه يتيريجي كميتهسينينگ دوزومينه2013نجي ييلينگ آوريل آييندا ب.م.ق-نينگ اروپا اقتصادي كميتهسينينگ ويتسه باشليقليغينا، شول ييلينگ نوامبر آييندا بولسا 2017-2013 –نجي ييللاردا يونسكونينگ يرينه يتيريجي گنگشينينگ آغضالارينا سايلانيلدي.
گچن ييلدا توركمنستان ب.م.ق-نينگ 2018-2016 –نجي ييللاردا گندر دنگه چرليگي و عايال لارينگ حقوقلاريني، مومكين چيليكلريني گينگلتمك مسهله لري بويونچا دؤزومینینگ يرينه يتيريجي گنگشينه 2016–نجي ييلينگ 5-نجي آوريليندا توركمنستان بيرلشن ملتلر قوراماسي نينگ: 2020-2017 –نجي ييل لار اوچين اؤسيشينگ بأهبيدينه علم و تكنيك كميتهسينه 2020-2016 –نجي ييللار اوچين ايلات و اؤسيش بويونچا كميتهسينه همده 2021-2017 –نجي ييللار اوچين دورموش اؤسيشي بويونچا كميته سينه بيرآغزدان سايلانيلدي.
توركمنستانينگ و بيرلشن ملتلر قوراماسي نينگ اؤسيش مقصدناماسي نينگ، چاغالار غازناسينينگ و ايلات غازناسينينگ و اونونگ اوزالدان گليأن خيذماتداشلاري بولان ب.م.ق-نينگ يري آگنت لرينينگ بيلهليكدأكي ايشلري نتيجه سينده 2020-2016 –نجي ييللار دؤوري اوچين توركمنستاندا آدام حقوقلاري بارادأكي حركتلرينگ ملَي ميل ناماسي و بيرنأچه اوغورلاردا خيذمات داشليق اتمك بويونچا ميل نامالارينگ مقصدنامالاري ايشلهنيپ تاييارلانيلدي.
سونگقي اون(10) ييلينگ دوواميندا توركمنستان ب.م.ق-نينگ يؤريتهلشديريلن دؤزوملری بيلن بيلهليكده اوزالقي ايكي ساني بأش ييلليق چأرچووالي مقصدنامالارا لايقليقدا دؤرلي اولغاملاردا 264-دن غاوي راق تاسلاماني دورموشا گچيردي.
قاراش سيز بی طاراپتوركمنستانينگ 2007 ، 2009 و 2013-نجي ييللاردا ب.م.ق-نينگ بأش آسسامبيلياسي نينگ دگيشلي ليكده 62 ، 64 ، و 68 –نجي مجلس لرينه ويتسه باشليق ليغا سايلانماغي توركمنستانينگ ب.م.ق. بيلن اؤز آرا قاتناشيق لاري نينگ كؤپيلليك تاريخ نينگ مهم گؤركزيجي سي دور. توركمنستانينگ « انرژي گؤتريجي لرينگ اغتبارلي و دورنوقلي اؤسيشي و خلق آرا خيذمات داشليغيني اوپچیناتمك دأكي اورني »و« دورنوقلي اؤسيش اوچين خلق آرا خيذمات داشليغيني اوپچین اتمك ده اولاغ – اوستاشير گچلگهلرينگ اورني »يالي باشلانغيچ لاري بو مهم اوغورلاردا نتيجهلي خلق آرا قاتناشيقلاري نينگ بركيديلمگينه و گينگلديلمگينه أگيرت اُولي قوشانديني علامت لانديردي.
توركمنستانينگ كميتهلره آغضاليغي ب.م.ق-نينگ خلق آرا خيذمات داشليغيني يولا قويماقدا آليپ باريان ايش لرينه قولداو برمأگه دؤرلي دؤولتلر و دؤنيأنينگ ثبتلری بيلن دورنوقلي اؤسيشي اوپچین اتمأگه، خلقلارینگ آبادان چيليغيني يوقارلانديرماغا گؤنوكديريلن ايغجام قاتناشيقلاري يولا قويماغا ب.م.ق–نينگ اديأن تاغاللا لارينا ياردام برمأگه گؤنوكديريلن چؤزگوتلري قبول اتمأگه مومكين چيليك بريأر. توركمنستانينگ ب.م.ق –نينگ آبرايلي دؤزوملرینه لرينه سايلانماق بيلن،موندان بيلأكده اؤز اؤستونه يؤكله نن جوغاپ كأرلي وظيپأني يرينه يتيرر.*ب.م.ق =بيرلشن ملت لر قوراماسي ( سازمان بين الملل)
ایران حاطینا گچیرنلر: آماندوردی نساری و یوسف نورتقانی تاریخ 1395/4/14-نجی شمسی ییل.