مارقوش – تورکمنستان خبرلری: تورکمنستان پاراخات‌چیلیغي سؤييجي، آغزي بيرليگي، خوش نيت‌لي دوست دوغانليق قاتناشیغیني قولدايان دولت حؤکمينده دنيانينگ أهلي يوورت‌لاري، آيراتيندا، ياقين قونگشي‌لاري بيلن اؤز آرا پيدالي قاتناشیق‌لاری‌نینگ بیریکديرلمه‌گيني و اؤسديريلمه‌گيني يووردينگ داشاري سياست استراتژي‌سينينگ مهم اوغورلاري‌نينگ بيري حاساپ‌لايار.
مارقوش خبرچیسینینگ آیدمیشینا گؤرأ، تورکمنستان شونینگ اوچین جمهوري اسلامي ايران قونگشي‌سی بيلن دوستلیق‌لي قاتناشیق‌لاري برکيتمک و خیذمات‌داش‌ليغينگ اوغورلارني خاص هم گينگه‌لتمک ماقصادنامالاري گينگ گريمه ايه بوليار.
تورکمنستان قونگشي جمهوري اسلامي ايراني سبيتده اينگ ياقين خذماتداش دولت لرينينگ خاطا_ريندا گؤريأر. تاريخي، مدني عمومي‌ليق‌لارا ايه بولان تورکمن و ايران حالق‌لاريني مونگ يیل‌ليق‌لارا اوزايان قاتناشیق‌لار بيرلشدیريأر.
ايران بيلن تورکمنستان آراسيندا ديپلوماتيک قاتناشیق‌لار 1992-نجي يیلينگ 18 -نجي فوريه آيندا يولا قويولدي. شول گوندن بأري گچن دؤورده ايکي قونگشي يووردونگ آراسيندأکي خذماتداشليغينگ برک شرطناما_حقوق بنيادي دؤره‌ديلدي.
تورکمنستان و جمهوري اسلامي ايران سبيت آرا و حالق آرا قورامالاري‌نينگ چأک‌لرينده ايشجنگ خذماتداشليغي ساقلايارلار.
ايکي دولت اقتصادي خذماتداشليق قوراماسينينگ چأگينده آلينئپ باريليان خذماتداشليغا هم اولي اهميت بريأرلر. تورکمنستان بو قورامانينگ تهران-دا 2009-نجي ميلادي يیلينگ مارس آييندا گچیريلن 10 -نجي مناسبتلي ييغنانشیغینا 2012-نجي يیلينگ آگوست آييندا قوشولمازليق حرکتينگ دولت و حکومت باش توتان‌لارينينگ ايرانينگ پايتختي تهران-دا گچیرلن 16 ييغنانشيغيندا قاتناشدي.
ايکي يووردونگ آراسيندا انرژي، اوپجونچيليک اولغاملاري، اولوغ و آرا قاتناشیق، اوبا_خوجاليغي و مال‌دارچيليق، نفت و گاز، سودا اقتصادي، علمي_تکنيکي و مدني اوغورلاردا خذماتداشليق آلينیپ باريليار.
تورکمنستانينگ اکسپورت و ترانزيتيندا ايران اؤنگ‌دأکي اورون‌لاردا دوريار. تورکمنستان‌دا اؤنيم اؤندوريأن، قورولشيق بيلن مشغول‌لانيان بيله‌ليکدأکي تورکمن ايران کارخانه‌لاري، سؤودا شرکت‌لري اولي ايشلري أتيأرلر. ايران تورکمنستان‌دا انچمه ساپار اؤز خريدلارنينگ سرگي‌لريني قورادي.
2011 -نجي يیلينگ ژانويه آييندا جمهوري اسلامي ايرانينگ مشهد شهرينده تورکمنستان‌دا اؤندريليأن اؤنوم‌لرينگ سرگيسي گچیريلدي.
1997-نجي يیلينگ 29 دسامبريندا تورکمنستاندان ايرانا تاراپ کؤرپه‌جه قورتغويي گاز گچیريجيسي قورولوپ، اوللانماغا بريلدي. بالقان آباددان ايرانينگ علي آباد شهرينه چنلي يوقاري قوواتلي الکتريک گچیريجيسي هم قورولدي.
ايران تورکمن‌باشي شهريندأکي نفتي قايتادان ايشله‌يأن کارخانه‌لار توپلومنينگ دورقيني تأزه‌لمأگه ياقيندان قاتناشدي. تورکمن_ايران خذمات‌داشليغنينگ دورلي اوغورلاريندا قازانيلان اوستونليک‌لر قووانديرجي‌دير.
تورکمنستان و جمهوري اسلامي ايران مهم سبيتلي سياسي اولوغ آرا قاتناشیق تاسلامالاريني باشلايجي و اوني عملا آشيريجي دولت‌لر حؤکمينده چيقيش اتدي‌لر.
1996_1992 نجي يبللاردا قورلان تجن، سرخس، مشهد دمير يولي دينگه بير ايکي دولت اوچين دأل، ايسم، توتوش سبيت دأکي دولت‌لر اوچين هم اهميت‌ليدير.
قزاقستان، تورکمنستان و ايرانينگ دميريول‌لاريني بيريکديرن اوزن، قزل قايا، برکت، اترک، گرگان دميريولي اقليم آرا اولاغ_آراغاتناشيق اولغاميندا خذماتداشليغينگ تأزه نتيجه سي بولدي.
اوبا_خوجاليغيندا خذماتداش _ليغينگ اونگين تجريبه‌سي قازانيلدي. تورکمنستان، ايران سرحدينده دوستلوق سوو بندي قورولدي. انسانپرورليک اولغامدا هم ايکي تاراپلايين قاتناشیق‌لار اوستونليکلي اؤسدوریليأر.
ايکي دوغانليق يووردونگ آراسيندا ايسنيشيقلي مدني و علمي قاتناشیق‌لار يولا قويولدي. تورکمنستان انچمه گزه‌ک جمهوري اسلامي ايرانينگ مدنيت گون‌لري، فيلم جشنواره‌لري، ايران صورات _کش‌لرنينگ سرگي‌لري گچیريلدي.
2015 -نجي يیلينگ مارس آييندا ايرانينگ تورکمنستان دأکي مدنيت گون‌لري هم اوستونليکلي گچیريلدي.
2014 -نجي يیلدا جمهوري اسلامي ايرانينگ گلستان ولايتينينگ آق توقاي اوباسيندا بييک تورکمن شاهيري مخدوم‌قلي فراغي‌نينگ 290 يیل‌ليغنينگ حورماتينا اولي دابارا قورالدي.
خوش نييتلي دوغانليق_دوستلیق همده بيرک-بيرگه حورمات قويماق يؤرلگه‌لري تورکمنستان بيلن ايرانينگ دولت آرا قاتناشيق‌لاريندا اولي اورون توتيار. ايکي دوستلیق‌لي يووردونگ آراسيندأکي خذماتداشليغينگ گریمي تأزه درجه‌لره ايه بوليار.
2015 -نجي يیلينگ 11-نجي مارسيندا جمهوري اسلامي ايرانينگ رئيس جمهوري دکترحسن روحاني-نينگ تورکمنستانا دولت ساپاري بولدي.
تورکمنستانينگ پرزيدنتي قربان قلي بردي محمدوف شو يیل تورکمنستانينگ هميشه‌ليک بيتاراپ‌ليق درجه‌سينينگ بيرله‌شن ملت‌لر قوراماسي تاراپيندان اقرار اديله‌نينه 20 يیلينگ دويانديغني بلله‌مک بيلن، ایرانینگ رئيس جمهوری؛ دکترحسن روحانيني شانلي واقعا مناسبتلي 2015 -نجي يیلينگ 12 -نجي دسامبريندا تورکمنستان پايتختيندا گچیريلجک بايرام‌چيليق دابارالارينا همده بيتاراپ‌ليق سياستي: پاراخات‌چيليق، خووپ‌سيزليق و دورنیق‌لي اؤسوش اوغروندا حالق‌آرا خذماتداشليغي آدلي يوقاري درجه‌لي حالق آرا ماصلاحاتا قاتناشماغا چاغيردي.
قوي، تورکمنستانينگ قونگشي جمهوري اسلامي ايران بيلن دوست دوغانليق قاتناشیق‌لاري موندان هم بيلأک پوغتالان‌سين.
تاييارلان‌لار： يوسف نورتقاني
تورکمن نیوزینگ خبرچی‌سی: آمان‌دردي نساري (آمانلي)
1394/07/22
