جدیدترین مطالب
خانه » دایرة‌المعارف » یوسف آزمون، انجمن میراث تورکمن ادبیات اوتورشیغیندا

یوسف آزمون، انجمن میراث تورکمن ادبیات اوتورشیغیندا

یازان: عاشرمحمد رئوفی خبرچی

گچن آننا گونی فروردین آیی نینگ ۲۲ سینده گنبدینگ میراث آدلی غوشغی وادبی اوجاغی نینگ اوتیرشیغی بیک مرتبه لی میخمان دکتر یوسف آزمون نینگ غاتناشماغیندا بولیب گچدی.

اول اوتورشیغا انچمه شاهیر یازیجیلار قاتناشدیلار. ایلکی بیلن منصور طبری یوسف آزمونی صحنا چاغیریب اونی قیسغا صوراتدا تانیدیب ، اونگا سوز بردی.

یوسف آزمون،  اوتورانلارا سلام آیدیب شیله سوزه باشلادی.

دوین آغامینگ آغتیغی نینگ طویی بولدی وطویه گلن سیز شاهیر یازیجیلاردان منت دارلیق بیلدیریارین دیب ترکمن حالی سینینگ طوی بارادا باغلانشیغی باردیب اول اوغردا آچیقلاما بردی.

یوسف آزمون ، ترکمن دیلینده نکاح قیماق-عرب دیلینده هم قیماق وترکی دیلینده کسمک دیدیگی دیر.

ترکمن دیلینده توگون سوزینده «ت» سوزی سونگرا «د» سوزینه اؤویرلیب دیمگ دوگون بولیب دیر. ایکی یوب بیر بیرینه چاتیلیب دوگون بولیب کسیلیار. نکاح قییلان وقتیندا هم آرادا شیطان بولسا کسیلسین دیب قایچی اوینادیلیار. قایچینی میداما عیال لار اوینادیار سببی هم قایچی وحالی عیال لارا دگیشلی بولانسونگ اونی عیال لار کسیأرلر دیدی.

شول نکاح سوزی حالی چیتیملرنه و کسیلیشلرنه باغلانشیغی بولانی اوچین شیطان دووینی کسیلسین دیب دأب بولیب گلیار دیدی.

ترکمن حالی سینینگ باشلانقیجیندا توفراق دوقییارلار واوتاسیندا عالم نقشلار بار وآخرینا یتنگده ده توفراق بیلن سونگلایار. مونینگ هم سببی آدام ایلکی دونیا گلنده توفراقدان دؤرأب سونگرا جهاندا دورلی دورلی یاشاییش بیلن عمرینی گچیریب ینه شول توفراقا باریب گیریأندیگندن آچیقلاما دیب دورموش بیلن ترکمن حالی سینا گؤز آیلادی.

ترکمن حالی سیندا ایکی یوپ چیتیلیأر ودوگون ادیلیب کسیلیار. اینها یاش چاتینجالار هم ایکی یوپ یالی بیر بیرلرنه چاتیلیب حالی نینگ ایچیندأکی دورلی نقش لارا دیمگ عالم جهانا گیریب دورلی رنگ لر بیلن دورلی آهنگ لر بیلن شول حالی نینگ گرکزیأن دورموشینا گیریأرلردیدی.

اول سوزی نینگ دوامیندا ترکمن حالی سینینگ ۲۵۰۰ ییل تاریخی باردیغنی و شول زماندا سووینگ آشاقیندا دونگیب قالان ترکمن حالی سی تاپیلاندیغنی آچیقلاب بردی. اول حالی نینگ بویی ۲ متر ۸۵  سانتی متر دییب هم نیغتاب گچدی.

دکتر آزمون حالی سوزینه قدیمدا قالینگ دییلیانمیش دیب اونی هم شیله آچیقلادی. چیتیم آز آزدان یوقا جیقلیغی بیلن یواش یواش قالنگییار. وقالینگ بولیب کسیلیانی اوچین هم قالینگ دییلیب دیر دیدی.

اول حالی دا قوراما بیلن یوردیلیار وقوراما سوزی قورماقدان گلیار.قورقین قورقونمی؟ قوریغلیمی؟ دیدیگی دیر.

اول حالی شکیل تایدان قوپوزا منگزأب قوپوز ساز قورالی یالی دیب یادلادی.  آداملار ارتیر بیلن توراندا قورقین اؤردینگمی؟ دیمگی یادا سلاملاشیب گوریشیلنده ساغ قورقین گزیب یورسینگمی دیدیگی نینگ کؤکی شول سازا منگزشلیکدن آلینیب ساز قوریغلیمی دیان معنی نی آچیقلاب بردی.

grey - یوسف آزمون، انجمن میراث تورکمن ادبیات اوتورشیغیندا

کیفینگ کؤکمی دیمگ هم شول ساز قورالی کؤکمی(فارسچا سوز) «کوک» دییلن سوزدن آلینیب دیر دیب اؤز فکرینی آیتدی.

اول بو گوررینگلردن سونگرا ترکمن حالی نینگ گؤللرنینگ نیردن و نأدیب گلیاندیگی بارادا بیر کتاب یازیب یورین دیب خبر بردی.

دکتر یوسف آمون اوتورانلارینگ سوران بیر نأچه سوراغلارنا شول ساندان ترکمن سوزلرنینگ کؤکی نی نأدیب سایغارمالی دیان سوراغا هم جواب غایتاردی، و اگر سوزلر شو حارپ لار بیلن باشلانسا اول سوز ترکمن سوزی دألدیر دیب شولاری آغزاب گچدی. ج-ه-ژ-ر-ش-ز و باشغالار.

وباشغادا بیر نأچه سوراغ‌لار بولوب سونگرا ساغات بیره قولای بو اوتورشیق سونگا یتدی.             

grey - یوسف آزمون، انجمن میراث تورکمن ادبیات اوتورشیغیندا

چشمه‌سی: تورکمنینگ سونگی داغی وبلاگیندان آلیندی

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*

*

code

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.