جدیدترین مطالب
خانه » اخـبــــــــار » اخبار فرهنگی » مختومقلی گون‌دوغار ادبیاتی‌نینگ گون‌دوغار پارلاق ییلدیزی

مختومقلی گون‌دوغار ادبیاتی‌نینگ گون‌دوغار پارلاق ییلدیزی

مارقوش تورکمن صحرا – امان دوردی نساری: مختومقلی تورکمن خلقی‌نینگ بییک شاهیری و عاقیلداری دیر. بوتین گوندوغارینگ پارلاق ییلدیزی‌دیر.
اونینگ خالقا یؤزله‌نیپ دؤره‌دن اثرلری اؤرأن کؤپ‌دیر اونینگ دؤره‌دیجیلیگینده خلقینگ بیر فکره قوللوق اتمک‌لری آتا وطانی سؤیمک دأب دستورلارا  و  ادبی میراثینا حورمات قویماق فکرلری اؤنگه سؤریلیأر چونکی واطان دییلیأن مقددس بارلیق هر بیر اولوسینگ میللی بارلیغی‌نینگ سیمبولی هم بلگی‌سیدیر مختومقلی‌نینگ اؤتوزا  قولای قوشغی‌سینی آلمان دیلینه هم ترجمه نشر ادن عالم و سیاحت‌چی  آرمینوس وامبری  تاریخدا انچمه بییک دولت‌لری قورماغی باشاران تورکمن خلقی‌نینگ دورموش یاشایشیندا اؤز ادبیاتینا یازیجی شاهیرلارینا قوشغی شیغرلارینا و مدنی میراثینا آیراتین حورمات قوییاندیغینی آیدیپ گچیب دیر شیله هم تورکمن‌لرینگ مختومقلی آدلی اؤنگدن گؤریجی ولی‌سینه آیراتین صرپا گؤرکزیأندیگین اؤز یازغیلاریندا بللیک ادیپ‌دیر.

grey - مختومقلی گون‌دوغار ادبیاتی‌نینگ گون‌دوغار پارلاق ییلدیزی

حقیقتدان هم م.فراغی تورکمنینگ مللی ادبیاتی‌نینگ دویبی‌نی تأزه چیل توتوپ اونینگ گریمنی گینگه‌لتدی اؤز ادبی میراثی بیلن عمومی  آدامزادینگ مدنی میراثی‌نینگ آیریلماز بیر بؤله‌گینی دوزوپ بوتین دنیا ادبیات وکیل‌لرینه بیر بیته‌وی تأزه تورکمن نوسخاسیندا دؤره‌دیلن قوشغیلاری پشگش بردی. دؤره‌دیجیلیگینده گوندوغار ابیاتی‌نینگ گؤرنوک‌لی شاهیرلاری  یونس بالاساگونلی‌نینگ«کوتات‌گی-بیلیگ» (۱۱-نجی عصر ) احمد یاساوی‌نینگ «دیوانی‌حکمت» (۱۲-نجی عصر)رابغوزی‌نینگ « قصاصل انبیا»  (۱۴ نجی عصر)شونینگ یالیدا امام الددین نسیمی‌نینگ» علی شیر نوایی‌نینگ،محمد فضولی‌نینگ و باشغالارینگ اثرلریندن پیدالانماغی همده عرب- فارس دیللرینده یازیلان مشهور کتابلار بیلن دولی تانیش بولماغی تورکمن دیلی‌نینگ آیراتین اؤسن و کامل گؤرنیشینی عمله گتیردی.

جــام گؤتریپ باریپ یتدیم بیر بابدان              خیرقه گییپ ایل ایچینده سان بولسام
توم ایچینده باریپ بیت ال لله تاپدان                 زار ییغلایان صـاحب‌لاره خـون بولسام
ابــو سعـد، عمــر خیّـام همــدانی               فــردوسی،نـظـامی،حـافـظ، پـروانی
جـلال الـدین رومـی جـامع اؤلمانی                آلارنیـنگ جاییندا من هم کان بولسام
دامـغـانیـندا یـؤرگون اوسساد نوایی              چـار دیـوانی،شیـرین-فـرهــاد زبانی
ظـاهرالـدین بـابـور میزان اووازینی                 قــاشـلارینا باریپ من مجنون بولسام
ســالمان افسـالی سرحوش ایله‌یپ                  بهـرام گـؤری تـوتوپ مـرهوش ایله‌یپ
آزازیل دؤلأنی بـیر قــوش ایـله‌یپ                  ابـو محفـوض قـزیل اصلا خـان بولسام
آرباله‌ت قــولـونـدا ای مختومقلی                   رستمـه ، اسـکنـدر هیـچ توتماز یولی
نـه بولـسا بیلگی سن ایلات خیالی                   دؤرت لی‌لر اؤنگـونده من لقمان بولسام

شو سطرلرده گؤرشینگز یالی تورکمن دیلی‌نینگ اؤسمگینده اؤز بولیشلی اورنی قویوپ گیدن کلاسیکی شاهیرلارینگ عمر دؤره‌دیجیلیگی ترکمنستانینگ حورماتلی پریزیدنتی قربانقلی  بردی محمّدینگ هم باشلانغیچ‌لاری بیلن بوتین دنیا ادبیات شناس‌لاری طراپیندان گینگدن اوره‌نیلمأگه باشلاندی. مختومقلی فراغی‌نینگ دوغلان گونی‌نینگ ۲۹۰ ییللیغی ۲۰۱۴-نجی ییلدا ترکمنستاندا گینگدن بلله‌نیپ گچیلدی تورکمن-ایران ،تاجیکستان،ازبکستان، قزاقستان، آذربایجان،آلمان یالی  بیر نأچه یورت‌لرده مختومقلی فراغا و اونینگ دیوانینا باغیشلانیپ خلق آرا علمی، عامالی مصلحت‌لار گچیریلدی. اونینگ قوشغیلاری فارس،ترک، آذربایجان، عرب، ازبک، انگلیس، آلمان، چین،کره، بلروس، اوکرایئن، قرقیز، روس خلاصه دنیأنینگ ییگریمدن غاوراق دیللرینه ترجمه ادیلیپ کتاب بولوپ چیقاریلدی. بیر نأچه دان ییل بأری شاهیرینگ دوغلان گونی مناسبت‌لی ترکمنستاندا و ایراندا ،مختومقلا باغیشلانیپ کؤپ‌چیلیک‌لیئن چأره‌لر (مراسم‌لار)گچیرلیپ گلینیأر. مدنیت اؤیلرینده اورتا و یوقاری اوقوو جایلاریندا علمی عامالی مصلحت‌لار گچیرلیپ اهلی ولایت‌لرینگ ایری شهرلرینده و اطراف مرکزلرینده فراغی‌نینگ عمری و دؤره‌دیجیلیگینه باغیشلانماغی گینگ گریملی چأره‌لر گچیریلیأر. ترکمنستاندان مدنیت علمی دؤره‌دیجیلیک ایشگارلریندن دوزیلن یؤریته وکیل توپاری ایرانا تورکمن کلاسیکی ادبیاتی‌نینگ گؤرنوک‌لی وکیل‌لری
مختومقلی‌نینگ و اونینگ پدری دولت محمد آزادی‌نینگ آرامگاه‌لارینا زیارت اتمک بیلن شاهیرلارینگ ایکی یوردینگ چأگینده هم یوقاری درجه‌لرده سیلاغی توتولیار. شو ییلینگ مای آیی‌نینگ ۱۸-۱۴ آرالیغیندا «اردیبهشت آیی‌نینگ ۲۸-۲۴» ترکمنستاندا و ایراندا مختومقلی شناس‌لارینگ همده تورکمن عالم‌لارنینگ قادناشماغیندا شاهیرینگ دوغلان گونی  مناسبت‌لی بیر نأچه میل نامه‌لاری عملا آشیرماق گؤز اونگونده توتولیار.
تورکمن خلقی فراغی‌نینگ دوغدیق مکانی بولان مختومقلی‌نینگ گرکز اوباسیندا  اترک اطاپیندا بولوپ مای آیی‌نینگ ۱۷سینه « اردیبهشت آیی‌نینگ ۲۷ سینه»ایرانینگ گلستان ولایتی‌نینگ مراوه تپه اطرافی‌نینگ آق توقای و قارا گؤل اوبالارینا زیارته بارماغا و اول یرده ییغنانیارلار  د. دولت محمد آزادا و مختومقلا باغیشلانیپ گچیریلجک آیدیم-سازلی دابارالارا قادناشماق‌لارینا قاراشیارلار. ایران خطینا گچیردی آماندوردی نساری۲۹/۲/۱۳۹۴هـ‌ ش ۲۰۱۵-۵-۱۹ میلادی.

http://www.margush.ir

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*

*

code

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.