مارقوش تورکمن صحرا: تورکمن خلقی‌نینگ اؤز بولوشلی بای تاریخینی عصرلارینگ جُوممیشیندن باختیارلیق دوورینه گلیپ یتن مدنی قیمّات‌لیق‌لارینی اِورنمک ،اولاری دنیا یایماق میراثا صارپا قویماق واطانی اؤزگرتمک ییلی‌نینگ اؤز بولوشلی آیراتین‌لیق‌لاری‌نینگ بیری‌دیر.
ترکمنستانینگ پرزیدنتی ق . بردی محمدوینک تایسیز زحمت لری بیلن تورکمنینگ آتا- بابالاری‌نینگ گچمیشده دؤره‌دن مادّی و روخی قیمّات‌لیقلارینا آیراتین صارپا قوییار.
بو اوغوردا یورت یولباشچیسی‌نینگ اؤزی اؤزگه‌لره گؤره‌لده گؤرکزمک بیلن 2016-نجی ییلینگ ایلکینجی آیلاریندا اؤزی‌نینگ جوهر پایخاصیندان دؤرأن «پایخاص چشمه‌سی » و «چای – ملهم هم ایلخام» قولای‌دا بولسا «قدمی بادلی بدو »آدلی عاجایپ کتاپ‌لارینی تورکمن خلقینا سوغات اتدی.تاریخی اِورنمک، دؤره‌دیلن مادّی و روخی قیمّات‌لیقلاری دیکلتمک و اولارینگ اؤستی بیلن یاش نسلی دوره‌باب .ملّی روخ‌دا تربیه‌لمک یالی ایشلر ایزی گیدرلی یولا قویولیار:هر ییلینگ ایون آیی‌نینگ 27 سینه ترکمنستانینگ مدنیت و صونغات ایشکارلری‌نینگ گونینگ دابارالی بلله‌نیلیپ گچیلملگیده تورکمن مدنی بایلیق‌لارینا ادبی میراثا بلند صارپا قویولیاندیغینا شایادلیق اتیأر.
مدنیت گونینه باغیشلانیپ قورنالجاق مدنیت هفته‌لیکی شو ییل ماری ولایتیندا خلق آرا درجه‌ده بلله‌نیلیپ گچیلر و تاریخی یادگارلیک‌لره بای بایرام عالی شهرینده اولی توی دابارالارینا بسله‌نر تاریخ‌نگ چونگلیق‌لاریندان گؤز باش آلیان تورکمنینگ مدنی میراثینی آیدینگ گؤرکزیأن«جانلی روایت »«مدنیت خلقینگ قلبی‌دیر»«تورکمن مدنیتی»« دولت ایله گلر بولسا…»« پایخاص چشمه‌سی آدلی عاجایپ کتاپ‌لاردا» تورکمنلرینگ دورلی دوورلرده دؤره‌دن سوننألأن بای مدنی قیمّات‌لیقلاری خلقینگ روخی آیناسی بولوپ دوریان دأپ-دستورلاری بارادا گینگشلیئن مغلوماتلار بریلیأر. بو کتاپلار تورکمن مدنیتی‌نینگ روخی دنیأسینی اِورنمک هم بای قوللانما بولوپ خدمت اتیأر.
ترکمنستانینگ پرزیدنتی‌نینگ بللئشی یالی «گوندوغار بیلن گونباتارینگ،دمیر قازیق بیلن گون اورتانینگ آراسیندا انسان پرور قاتناشیقلارینگ دؤره‌مگینه اؤز تأثیرینی یتیرن ملّی مدنیتی‌میزینگ آلتین خزینالاری یر یوزونده ملّت حوکومنده قاتناشماغیمیزینگ حورمات‌لانماغیمیزینگ اساسی‌دیر.هیچ بیر دوشیندیریش طالاپ اتمأن باقی‌لیق مرتبأمیزدیر، یؤرک‌لره مهر پایلایان جادیلاجی موقام‌دیر». ایران خطینا گچرِن: آماندوردی نساری 95/03/01
