عشق آباتدا توركمن ميللي گؤرش و قوشاقلي گؤرش بويونچا آسيا چمپيونيگچيريلیار
مارقوش گؤرش خبرلاری: شو ييلينگ اييون آينينگ 19-18 نجي آراليغيندا عشق آبادينگ اولمپيك شهرهکينده توركمن ميللي گؤرش و قوشاقلي گؤرش بويونچا آسيا چمپيوناتينينگ ايش توپارنينگ مجليسي بولدي.
دونیأ تورکمن خبرلارینینگ آیتماغیندا: مأليم بولشي يالي توركمن ميللي گؤرشي و قوشاقلي گؤرش بويونچا آسيا چمپيوناتي شو ييلينگ 30 – 25 نجي اييون آراليغيندا توركمن پايتختنينگ اولمپيا شهركنينگ سؤوش صونغاتلاري اسپرت توپلوميندا گچيريلر.
قوراماچيليق مسهلهلريني آرا آليپ ماصلاحات لاشماغا توركمنستانينگ اسپرت باراداقي دؤولت كميتهسينينگ، ياپيق بنالار و سؤوش صونغاتي بويونچا 5 آسيا اويونلارينينگ قوراماچيليق كميتهسينينگ، ميللي اولمپيا كميتهسينينگ، بيرنأچه مينيسترليكلرينگ همده پوداق ادارهلارينينگ وكيللري اساساندا تورگونلر و تأليمچيلر، كؤپ چيليكليين خبر بريش سريشتهلرينينگ وكيللري قاتناشديلار.
چمپيوناتدا ايكي گؤرنوش بويونچا –اركين و نوسغاوي اصولدا گؤرِشمك بويونچا ياريشلار گچيريلر. حأضركي واغيتاچنلي آسيا اقليميندان 16 دؤلت ياريشا قاتناشماغا ايسلگ بيلديردي.
بو ياريش سيناغ ياريشي بولوپ دوريار. اونونگ نتيجهسي دينگه بير ميللي ييغيندي توپارلارينگ عشق آباددا گچيريلجك آسيادا –2017 نجي ييلا تاييارليق درجهسيني كسگيتلهمك بيلن چأكلنمأن، ياريشينگ قوراماچيليق اوقيپلارينينگ درجهسيني هم گؤركزر شيله هم، بو ياريش توركمن مييلهتينچيلرينينگ ايري اسپرت فرملاريندا خذمات اتمك بويونچا تجريبهلرينينگ آرتماغينا مومكينچيليك برر.
موندان بير آي اوزال اولمپيا شهركنينگ سؤوش صونغاتلاري اسپورت توپلومنينگ سامبو بويونچا سيناغ ياريشيني قبول ادنديگيني بللأپ گچيأريس.
اونونگ نتيجهلري بو چأرأ قاتناشيجيلاردا اؤرأن اولي تأثير قالديردي.
بو ياريشدا توركمنستانينگ ميللي ييغينديسي آلتين مداللارينگ ساني بويونچا (21) همده أهلي بايراقلارينگ ساني بويونچا (66) بيرينجي اُروني ايهلهدي.