جدیدترین مطالب
خانه » دایرة‌المعارف » تورکمن باغشی‌لار » شوکور باغشی (Şükür Bagşy)

شوکور باغشی (Şükür Bagşy)

شوکور باغشی

شوکور باغشی

Şükür Bagşy

 

(۱۸۳۱ – ۱۹۳۱)

 

تورکمن صحرا یازووسینا اؤوورن: یاشار نیازی 

www.margush.ir

 

شُهرات‌لی آدی ساز سونغاتیمیزینگ قدرات‌لی روایاتینا اؤورولیپ گیدن مشهور شوکور باغشی ۱۸۳۱ – نجی ییلدا دونیا اینیأر. یاشلیغیندان همرا بولان ساز سونغاتی اونی اولوس – ایلیمیزه تانادیار.

آخال ولایاتینینگ قاقا اطرافی‌نینگ دوشاق اوباسی شوکور باغشینینگ اؤنوپ – اؤسن یرم بولسا، اول کللی تورکمنینگ کورن اوبالاری‌نینگ همَه‌سینی اؤزونینگ واتانی ساییپ گزیپدیر. آخالینگ گؤک‌دپه، بحردن، ماری ولایاتینینگ وکیل‌بازار اطرافی، مشهور یولبارس‌لی شای‌خاناسی شوکور باغشینینگ مسگنینه اؤورولیپ‌دیر. اونونگ اینگ قووی آرا قاتناشیق ادن یرلرینینگ بیری بولسا سرخس اطرافی بولوپ‌دیر. سرخسینگ آدی بللی علی باغشی‌سینی اؤزونینگ ساز تعلیمینی آلان حالیپاسی ساییپ‌دیر.

شوکور باغشی گزنده آدام بولوپ‌دیر. اول قارری‌قالا، قیزیل‌اترک، داش‌حووض، خیوا سبیت‌لرینه چنلی آیلانار اکن.

۱۸۷۱-نجی ییلدا شوکور باغشی‌نینگ باشیندان شیله بیر واقا گچیأر. اونونگ آغاسی ایران خانینینگ زندانینا دوشیأر. بی‌گنأ بندینی خانینگ قارانگقی زندانیندان بوشادیپ آلیپ قاتماق‌لیق شوکور باغشی نینگ پایینا دوشیأر. ایران خانینینگ یانینا اوباسینینگ اؤزی یالی یاش ییگیتلرینی اؤنگونه سالیپ آلیپ بارمان، شوکورینگ یکه اؤزی گیدیأر. اوندا-دا اول اوق-یایدیر قیلیچ –قالقان، یاراغ داقینیپ بارمان، عمر بویی آوزونه همرا بولان دوتارینی اگنیندن آسیپ، شونی یاراغ ادینیپ گیدیأر. اؤزونینگ شول سیغینیپ بیلن گیدن قارا دوتارینینگ قدراتی، گؤیجی بیلن زنداندا یاتان آغاسینی بوشادیپ، اوباسینا آلیپ گلیأر. تورکمنینگ سازی قارانگقی دمیر قاپی‌سینی آچیپ، اونونگ ایچینده قولی باغلی، آیاغی قاندال‌لی بندووان بولوپ یاتان بیچأرأنی خلاص ادیپ، یاغتی جهانا، آزاتلیغا چیقاریار. پرزندی زنداندا یاتان کورن اوبانینگ چیقیپ اوتوران قامینی سابادیار. قوسسادان (غصَه) قوتاریار. هی، شوندان اولام قدرات بولوپ بیلرمی!

ایسم، عصرلاری  آرقا آتان تورکمن سازینینگ أپت قدراتینی ساللارلاپ گؤرسه‌دینگ!

سازینگ قدراتی هرنه‌ننگ گؤیچلردن روستم‌دیر. شونونگ اوچینم اول سونغات بییک – بییک داغلارا دنگه‌لیأر. یدی قات آسمانینگ بییکلیگینه دنگه‌لیأر. دویأده اولی قدرات حاساپلانیار. ایران خانی‌نینگ قاشیندا ساز سؤوه‌شی گیدیأر. اول (سؤوه‌ش) ساواش یاراغلی چاقنیشیقلاردان زیاد بولیار. ساواشدا قارشیداشیندان – غلام باغشی‌دان اوستون چیقان شوکور باغشی‌نینگ آدی عألم – جهانا دولیار. کؤپ‌لر اونونگ ساز سونغاتیندا گؤرکزن اوسساتلیق گؤره‌لده‌سینی نوسغا ادینیأر. مشهور ادبیات‌چیلار، ساز سونغاتینی اؤوره‌نیجیلر شوکور باغشینینگ گؤزله‌گینده گزیأرلر. تورکمن سازینی اؤوره‌نیجی روس عألم ویکتور آلکساندرویچ اوسپنسکی ۱۹۲۶-نجی ییلدا شوکور باغشی بیلن یؤریته دوشوشیار و صحبت‌دش بولیار. شوندا ۹۴ یاشلی شوکور باغشینینگ سازینی دینگله‌یأر.

چالان سازلارینینگ بیر نأچه‌سینی یازیپ آلیار. مشهور سازاندانی سوراتا دوشوریأر.

شوکور باغشی‌نینگ سونغاتی اؤز گریمینی بارها گینگه‌لدیأر. اول قوربان‌دوردی ماهی یالی إزبر سازاندالارا اؤزونینگ آق پاتاسینی بریأر. اؤرچ ادینیپ چالینیپ گلینیأن (سؤیلی حالان)، (گلین یؤره‌شی)، (سالمادان بوک‌دورن)، (ابراهیم شادیللی)، (شوردان تاپیلدی) یالی سازلارینگ دؤره‌دیشی شوکور باغشینینگ ساز سونغاتی بییلن اؤیتگشیدیریل‌یار.

شوکور باغشی ۱۹۳۱-نجی ییلینگ باهاریندا آرادان چیقیار. مشهور سازاندانینگ بییک سونغاتینا اولی سارپا قویولوپ، ۱۹۹۱-نجی ییلدا اونونگ اؤنوپ – اؤسن اوباسیندا دوغلان گونونینگ ۱۶۰ ییللیغینینگ توی-داباراسی گچیریلدی.  دوشاق اوباسینداقی کولخوز شوکور باغشینینگ آدی داقیلدی.

یاغشی آداملار همیشه همَه‌نینگ نازاریندا بولیار. شوکور باغشینینگ ساز بیلن قازانان شوهراتی تورکمن ادبیاتیمیزدا-دا اؤز بیانینی تاپیار. یازیجی نورمیرات ساری‌خان اؤزونینگ مشهورلیق قازانان (شوکور باغشی) آتلی پووه‌ستینی یازیار. آلتی قارلی آدینداقی تورکمن فیلم استودیاسی بولسا (شوکور باغشی) دییه‌ن چپر فیلمی دؤره‌تدی.

مشهور شوکور باغشینینگ شهراتلی آدی تورکمن سازیمیزینگ تاریخینی عصرلاپ بزأر.

چشمه: آق‌محمد آشیر، “قیرق‌لار” کتابیندان، ۱۹۹۳٫

تورکمنستان قوللانما سایتی.

 

اؤوورن: یاشار نیازی / مارقوش تورکمن صحرا

www.margush.ir

 

منبع

مارقوش / دایره المعارف ترکمن صحرا
www.margush.ir
telfax: 0172-2221228
tel: 0172-2291449
mob:+98 9392291449

استفاده از مطالب سایت با قید منبع مانعی ندارد 

۲ نظر

  1. باش سطرلرده شوکور باخشینگ دنیا اینن یلنی دوغرلانگ !

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*

Time limit is exhausted. Please reload CAPTCHA.