جدیدترین مطالب
خانه » اخـبــــــــار » بین‌الملل » اخبار ترکمنستان » دوستلیق‌لی قاتناشیق‌لارینگ آیدینگ یؤرلگه‌لری

دوستلیق‌لی قاتناشیق‌لارینگ آیدینگ یؤرلگه‌لری

مارقوش تورکمن صحرا – امان‌دوردی نساری: ۲۰۱۵-نجی‌ ییل‌نینگ‌ نویابر آییی‌نینگ ۲۲-سینه (۱۳۹۴-نجی‌ هـ.ش ‌ییل‌نینگ آذر آیی‌نینگ‌ بیرینه قابات گلیأر) تورکمنستانینگ پرزیدنتی قربان‌قلی بردی‌محمدوف، گاز اکسپورت ادیجی یوورت‌لرینگ دوولت باش توتانلاری‌نینگ سامیتینا (جلسه‌سینه) قاتناشماق اوچین، ایکی گون‌لیک رسمی ساپار بیلن قونگشی‌ ایرانا گلدی.
جمهوری اسلامی ایرانینگ پرزیدنتی حسن روحانی‌نینگ بلِلیشی‌یالی، اونونگ یووردینده تورکمنستانینگ باش توتان‌نینگ ساپارینا آیراتین أهمییت بریلیأر.

دوغانلیق خلق‌لاری‌نینگ خوش نییت‌لی قونگشی-چیلیق قاتناشیق‌لارینی اؤسدورمک‌ده تأزه تاپغیری‌آچیان واقعه حؤکمونده قارالیان بو ساپارینگ دوامیندا ایکی طاراپ‌لایئن گؤرنیشده هم، ایری خلق آرا قورامالاری‌نینگ چأکلرینده هم آلینیپ باریلیان خذماتداشلیق مسئله‌لری‌نینگ گینگ توپلومی بویونچا، شیله-ده اؤز آرا قیزیقلانما بیلدیریلیأن ثبت و خلق آرا سیاست نینگ مُهم مسئله‌لری آرا آلینیپ ماصلاحات لاشیلدی.

دوست‌لیقلی دؤولت‌لرینگ حأضرکی زمان هووپلارینا، ایلکینجی‌ نوباتدا، خلق آرا ترورچیلیغینا، نشه سریشده‌لری‌نینگ بی‌قانون دولانشیغینا و قوراماچیلیق‌لی جنایت‌چیلیغا قارشی گؤرش‌ده، شیله هم اولارینگ اؤنگینی آلماقدا تاغاللالاری بیرلشدیرمک اوغروندا چیقیش اتیأندیگی آیراتین بلله‌نیپ گچیلدی.

یوقاری درجه‌دأکی گپله‌شیک‌لرینگ دوامیندا ایکی یووردینگ آراسیندأکی خذمات داشلیغینگ اؤسیشی ۲۰۱۵-نجی ییلینگ ۹ آیی‌نینگ نتیجه‌لری بویونچا ایکی طاراپلایین سودا دولانشیغی‌نینگ مچوورنینگ ۲ میلیارد ۶۲۰ میلیون امریکا دلاریندان قووی‌راق بولاندیغی، بو گؤرکزیجی‌نینگ گچن‌ ییل‌نینگ دگیشلی دؤوری بیلن دنگشدیرلنده ۲/۲ گؤتریم یوقارلاناندیغی همده یاقین ۱۰-ییلینگ‌ دوامیندا سودا-خرید دولانشیغی‌نینگ مچوورینی ۶۰ میلیارد امریکا دلارینا یتیرمک بارادا ایلالاشیلان‌دیغی نیغتاپ گچیلدی. شونونگ بیلن باغلانشیقدا تورکمن رهبری تورکمنستان بیلن ایرانینگ آراسیندا ساودا-اقتصادی خذمات‌داشلیق بارادا اوزاق مُهلت‌لین مقصدنامانی ایشلأپ تاییارلاماغی تکلیپ اتدی.

تاریخ تایدان قیسغا دؤورده تورکمنستان یاقین قونگشی- ایران بیلن بیرنأچه ایری مچوورلی تاسلامالاری عامالا آشیردی. شولارینگ حاطاریندا تجن_سرخس-مشهد دمیریولی کؤرپه‌جه-قورت قویی و دولت آباد-سرخس-حانگران،گاز گچیریجی‌لرینی،دوستلوق سوو هودانینی، ایری خلق آرا تاسلامالاری‌نینگ حاطاریندا دمیرغازیق -گون اورتا اوغوری بویونچا گچن ییلینگ آخریندا ایشه گیریزیلن قزاقستان-تورکمنستان-ایران خلق آرا دمیریولونی، شیله هم بیله‌لیکده قوریلان بیله‌کی دسگالاری‌گؤرکزمک بولار.تورکمنستان و ایران گون دوغار-گون باتار اوغری بویونچا خلق آرا گچلگه لرینی دؤرتمأگه هم ایشجنگ قاتناشیار.مونگا مثال حؤکمینده ازبکستان_تورکمنستان-ایران-عمّان اولاغ اوستی آشیر گچلگه‌سینی دؤرتمک(ترانزیت ماشین)بویونچا آلینیپ باریلیان بیله‌لیک دأکی ایشلری هم گؤرکزمک بولار.

grey - دوستليق‌لی قاتناشيق‌لارينگ آيدينگ يؤرلگه‌لری

دیدار رئیس‌جمهور ترکمنستان

بو دسگألارینگ أهلیسی ایکی دوغانلیق خلقلارینگ شو گونکی و گلجک کی باغتییار دورمیشی نینگ بهبیدینه خذمات اتیأر.خذمات داشلیغی اؤسدیرمک مقصدی بیلن، ایکی دؤولتینگ باش توتانلاری تورکمن_ایران سرحد گچلگه‌لریندن گچیأن ماشین‌لارینگ‌ اورتاچا سانینی بیرگیجه-گوندیزده ایکی اسسه آرتدیرماق، یاغنی ۱۰۰۰-سانا یتیرمک بارادا ایلالاشدیلار.شونینگ بیلن باغلانشیقدا، تجن دریاسی‌نینگ اوستوندن گچیأن تأزه ماشین کؤپری‌نینگ و بو اوغور بویونچا سرخس_تجن ماشین یولی‌نینگ قورولماغنینگ اولی أهمییته ایه‌دیگی نیغتالدی.گپله‌شیک‌لر تمام‌لاناندان سونگ،بیله‌لیک‌دأکی‌ بیان نامه قبول ادیلدی.

سونگرا ایکی طاراپلایئن بیرنأچه رسمی نامه‌لارا قُول چکمک داباراسی بولدی.گونینگ ایکینجی یاریمیندا تورکمنستانینگ پرزیدنتی قربانقلی بردی محمدوف  جمهوری اسلامی ایرانینگ روحی رهبری آیت الله علی خامنه‌ای بیلن دوشوشدی.

دوشوشیقدا أگیرت اولی قوواتا ایه بولان اؤز آرا بأهبیت‌لی خذمات‌داشلیغی،شول ساندا مدنی_انسان‌پرور اولغامدا قاتناشیق‌لاری گینگلتمک و هممه طاراپلایئن اؤسدیرمک بارادأکی فکر بیان ادیلدی.

۲۳-نجی نویابردا تورکمنینگ میللی رهبری اجلاس سران  مصلحت‌لار مرکزینده گچیرلن گاز اکسپورت ادیجی یوورت‌لری‌نینگ دؤولت باش توتانلاری‌نینگ ییغناغینا قاتناشدی.
ایران : خطینا گچیرن‌لر یوسف نورتقانی و  آماندوردی نساری  ۲۲/۹/۱۳۹۴ هـ ش ییل.

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*

*

code

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.