تورکمن روخینینگ گوهر تاجی
بییک مختومقلی فراغی:
گؤنگللر،یـورکلر بیر بولوپ باشلار
تارتسا ییغین ارار توپراقلار- داشلار
بـیر سـفرهدا تاییار قیلینسا آشلار
گـؤترلر اول اقبـالی تـورکمنینگ
دییپ یؤرک آرزووینی آجایپ قوشغی سطرلری بیلن بیان ادیپدیر.مختومقلی شول آرزوو ادن بیرلیگینه، چبسلیگینه یتدیک. تورکمن بو گون اؤز غاراشسیز دولتینده بیر سفرهدا جمع بولوپ آتا-بابالارینینگ آرزووینا یتدی.مختومقلی آتامیز بیزه تورکمن یولینی مقدّس توتماق وصیتی تورکمن ملّتینینگ جبسلیگی، بیتهوللیگی دورموشینگ دورلی اوغورلاری بارادا انچمه اوویت-نصیحتلار قالیپدیر. اول اوویت-نصیحتلاره قولاق آسان ملّتینگه بویسانچ، غوانچ دویغسی قالبینگا دولیار.
دورموشا، یاشایشا هووسینگ آرتیار. اونینگ ناقلا اووریلن دؤردأنه سطرلی یورکلردن- یورکلره اورناشیار، ایلدن-ایله آشیپ دنیانی آیلانیپ انسانلارینگ روخلارینا روح قوشیار. فراغینینگ دنیا عاقلدارلارینینگ حاطارینا قوشولماغی بییک شاهیرینگ مرتبهسینینگ دیکلدیلمگی، ایسم تورکمن خلقینینگ دنیا مُچبرینده قیمّاتلی بولان مدنیتینینگ سؤز، ساز صونغاتینینگ هم مرتبهسینینگ بییک درهجأ گؤتریلدیگیدیر. چونکی تورکمن خلقینینگ عقل-پایخاص خزیناسی بییک شاهیری دوردأنه پاییزیاسینا جدا اینچهلیک بیلن سنگندیر.
ییللار، آیلار، آیلانیپ گونلر دولاندیغیچا، مختومقلی فراغی بیزه خاص بییک مقدس عزیز بولوپ گؤرینیأر.هر ییلینگ مای آیینینگ دووامیندا شاهیره و اونینگ پدری دولت مامت آزادا باغیشلانیپ گچیریلیأن شیغیریت گونلری،بایرامچیلیق دابارالاری ایراندا « ترکمنصحرا» منطقهسیندا یاشایان تورکمنلرینگ آراسیندا هم گینگدن بللهنیپ گچیلیأر.
کلالا ،گنبد کاووس ،آق قلا، بندر ترکمن، مراوه دپه ش. م شهرلرده آیراتینلیقدا گچیریلیأر. یوریته مختوقلی فراغی نینگ مدنی وکیللری طراپیندان یؤریته صحنهلار،لابزلی اوقیشلار یالی مدنی مراسملار قورنالیپ تورکمن مدنیتی دابارالاندیریلیار و شاهیرا صارپا قوییلیار.
2016-نجی ییلنینگ 5-نجی آیینینگ 5 نه کلاله شهرنینگ یاشایجیلارینینگ قاتناشماغیندا « تقریبا 2500 آدام» مختومقلی فراغا باغشیلانان شیغیریت گیجهسی گچیریلدی و بایرامچیلیق داباراسی چاودیر خان ادبی صحنهسی، شاهیرینگ « تورکمنینگ » قوشغیسی بیلن اوتغاشیپ گیتدی.
ایران خطینا گچیردی آماندوردی نساری 95/02/28