جدیدترین مطالب
خانه » دایرة‌المعارف » زبان و ادبیات » تورکمن حالق دوره‌دیجیلیگیندن ساناواچلار (۱)

تورکمن حالق دوره‌دیجیلیگیندن ساناواچلار (۱)

grey - تورکمن حالق دوره‌دیجیلیگیندن ساناواچلار (۱)تورکمن حالق دوره‌دیجیلیگیندن (فولکلوریندان) ساناواچلار (۱)

 

مارقوش: ساناواچلار – شاهیرانا حالق دوره‌دیجیلیگینینگ، اساسا هم چاغا دورموشی، چاغا اویونلاری بیلن باغلانیشیقلی آیدیلیان (سانالیان) بنتلر، قوشغی‌لاردیر.

ساناواچلارینگ اساسی حیزماتی چاغالاری تربیه‌لمکدن، اولارینگ یاتکشلیگینی وه سؤز بایلیغینی آرتیرماقدان عبارات‌دیر. بو قیسغا سنتیرلردأکی سؤزلر وه سسلرینگ اوزارا سازلاشیغی اولارینگ یاتدا قالماغینی ینگیل‌لشدیریأر.

ساناواچ اشیتمک، اؤیکونمک وه قایتالاماق یولی بیلن چاغانگ حاقیداسینا اورناشیار، یاتکشلیگینی برکیدیأر، آنگینی اؤسدوریأر وه روحی دونیأسینی بایلاشدیریار.

کأبیر اویون ساناواچلاریندا دوشنوکسیز سؤزلر دوش گلسه-ده، اولار شاهیریانا آقغینلیغی قازانماق ماقصاد بیلن اولانیلیپدیر وه چاغا آنگینی اؤسدوریأن، دونیأ قاراییشینی گینگلدیأن اوادان ماضمونا آغرام سالنیپدیر.

 

کأبیر سایلانان اویون ساناواچلاری:

چیمچیق، چیمیلدیریق، سن قال، سن چیق…

—–

اؤوِک – اؤوِک، تووشان دؤوِک، بیلبیل سایرار، سسی یایرار،

دریا آقار، سووون چکر، چکدی کؤمور، چک آیاق.

—–

اؤه‌لمه-دؤه‌لمه بی دوشدی، میدانا کیشمیش دوشدی،

میدانینگ آغاچلاری، شانگ-شانگ إدر قوشلاری،

چِپر چِکدی – چکمِدی، قیزیل گوله دو… لاش…دی.

***

چاغالارا باش بارماغینگ آدینی اؤوردیأن ساناواچ:

باشام بارماق باش گِتیر،

سویه‌م بارماق سویت گِتیر،

اورتا بارماق اوت گِتیر،

اوغولحاجات اوق آتار،

کولبیکه‌جیک کول آتار.

***

چاغالارا سانلاری اؤوره‌تمک اوچین آیدیلیان ساناواچ:

بیرده-بای، ایکیده-لای، اوچده-تای، دؤرتده-قای، بأشده-مای،

آلتی‌دا-آی، یدی‌ده-یای، سِکیزده-سای، دوقوزدا-دوی، اون‌دا-قوی.

تاییارلان: یاشار نیازی

 

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*

*

code

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.