جدیدترین مطالب
خانه » اخـبــــــــار » اخبار ویژه » تورکمنستان- ایران خذمات‌داشلیغی‌نینگ گریمی گینگلیار

تورکمنستان- ایران خذمات‌داشلیغی‌نینگ گریمی گینگلیار

IRAN-Turkmenistan (1)مارقوش تورکمن صحرا: ۲۰۱۵-نجی ییل‌نگ نویابر آیی‌نینگ اونینا ترکمنستانینگ پرزیدنتی قربانقلی بردی محمدف ایران اسلام رسبولکاسی‌نینگ یول و  شهر قورلوشوق منیستری (وزیری) عبّاس احمد آخوندینی قبول اتدی  عبّاس احمد آخوندی میخمان سؤیرلیک بیلن قبول ادیلندیگی همده  یوزبه- یوز صحبت‌دشلیکده کوپ طاراپلی دولت آرا قادناشیق‌لارینی موندان بیلأکده اؤسدیرمه‌گینگ یرلی توتولیان مثله‌لرینی آرا آلیپ مصلحت‌لاشماغا دؤره‌دیلن ممکین‌چیلک اوچین تویس یورکدن خوشحال‌لیق بیلدیریپ ترکمنستانینگ باش توتانینا ایران  رسبولکاسی‌نینگ  پرزیندتی حسن روحانی‌نینگ مهرلی سلامینی یتیردی.

ترکمنستانینگ پرزیدنتی خوش نیئت‌لی سؤزلر اوچین منتدارلیق  بیلدیریپ  دوستلیق‌لی یوردینگ یولباشچی‌لارینا اینگ اونگات آرزوولارینی آیتدی.

همده خوش نیئت‌لی قونگشیچی‌لیغینگ اساسیندا یولا قویلیان کوپ ییل‌لیق خذمات‌داشلیغینگ قازانیلان یوقاری درجه‌سینی قاناغاتلانما بیلن بلله‌دی دوشوشیغینگ بارشیندا بیر ناچه بِل‌لیکدأکی تاسلامالارا،خصوصاندا «دمیر قازیق گون اورتا» اولاغ گچه‌لگه‌سینی دؤرتمک‌لیگینگ چأک‌لرینده سرخص کؤپرسینی-تجن یولونی قورماغینگ تاسلامالارنی آمالا آشیرماق دنگیز پورتلارینینگ  «بندرلری‌نینگ » آراسیندا خذماتداشلیغی یولا  قویماق مثله‌لرینه شیله هم یول قورلوشیغیندا و شهر دوزوملرینی اؤسدیرمکده اوز آرا بأهبیت‌لی قادناشیقلاری ایشجنگ‌لشدیرمگینگ ممکین‌چیلیک‌لرینه آیراتین اونس بریلدی شیله هم ایران-ترکمنستان- قزاقستان دمیر یولی‌نینگ ترانزیت قوواتینی آرتدیرماغینگ مثله‌لری آرا آلنیپ مصلحت‌لاشیلدی همده ایران – ترکمنسان- ارمنستان اوچ طاراپلایئن  گپ‌لشیک‌لرینی گچیرمک حاقیندا ایلالاشیق قازانیلدی ایرانینگ گون اورتاسیندان هندوستانا اوستی آشیر «ترانزیت»گچه‌لگانی قورماق شیله هم بو یولینگ اوغرونا چین،هندوستان و ترکمنستان- ایران بوله‌ک‌لرینی قوشماق حاقیندا فکر آلشیلدی عباس احمد آخوندی تورکمن رهبری‌نینگ آلیپ باریان انرگتیکا سیاسیاتینا یوقاری باها برمک بیلن ایرانینگ استراتگیکی نفت گاز اولغامیندا یولا قویلان نتیجه‌لی قادناشیق‌لاری گینگلتمأگه اولی قیزیق‌لانما بیلدیریأندیگینی آیتدی.

اول حاضر بو خذمات‌داشلیغینگ دینگه ایکی طاراپلایئن اساسدا دألده ایسم کؤپ طاراپلایئن اساسدا قورالیاندیغینی بِلأپ ترکمنستانینگ پرزیدنتینه ایرانینگ پرزیدنتی‌نینگ آدیندان یاقین وقتدا گچیریلجک طبیعی گاز اؤندریأن یورت‌لرینگ باش توتانلاری‌نینگ دوشوشیغینا حورماتلی میخمان حکومینده قادناشماق چاقیلیغینی قاووشیردی.
قربانقلی بردی محمدف خوش سؤزلر اوچین منتدارلیق بیلدیریپ ،ترکمنستانینگ اؤز بی طاراپلیق درجه‌سینه لایئق‌لیقدا اهل عمومی پاراخات‌چیلیغینگ  دؤره‌دیجیلک‌لی اؤسیشینگ بأهبیدینه اهلی دولتلر بیلن شول ساندا یاقین قونگشیلاری بیلن خذماتداشلیق اتمگی گؤز اؤنگونده توتیاندیغینی آیتدی.

ترکمنستانینگ ملّی رهبری عشق آباد شهرینده گچیریلیأن ایرانینگ اؤنیم اؤندوریجی‌لری‌نینگ اؤنیم‌لری‌نینگ و خریدلاری‌نینگ دأبه اِورولن سرگی‌لری‌نینگ شیله هم ایزی-گیدرلی قورالیان  ایشه‌ورلر مصلحت‌لاری‌نینگ همده پوداق منیسترلیک‌لرینده «وزارتخانه‌لارینده» و اداره‌لاریندا گچیریلیأن گپ‌لشیک‌لرینگ دولت آرا  قادناشیق‌لارینگ نتیجه‌لی بولماغینا خذمات اتیأندیگینی بِللِه‌دی. انسان پرور خذمات‌داشلیغینا مهم اورون برلیپ اونینگ چأک‌لرینده یورتلرینگ ایکی‌سینده  هم مدنیت گونلری گچیرلیأر ،دؤره‌دیجیلیک وکیل یت‌لری‌نینگ ایکی طاراپلایئن سفرلی همده چأره‌لرینگ بیله‌لیکده گچیریلمگی قورالیار. اولار تورکمن و ایران خلق‌لاری‌نینگ بای دأپ‌لری اساسیندا گچیریلیأر. شونینگ بیلن باغلی‌لیقدا ، تورکمن  لیدری «رهبری» ایران طاراپینا دنیا بلّی شاهیری  گوندوغارینگ عقلداری قونگشی ایراندا هم چونگگور حورماتلانیلیان مختومقلی فراغی‌نینگ دوغلان گونی‌نینگ ۲۹۰ ییل‌لیغی‌نینگ چأک‌لرینده  گچیرلن چأره‌لره ایشجنگ قادناشاندیقلاری اوچین منتدارلیق بیلدیریلدی. دوشوشیغا ایران اسلام رسبولکاسی‌نینگ ترکمنستانداکی آداتدان داشغاری و دولی اختیارلی ایلچیسی سید محمد موسی هاشمی گلپایگانی قادناشدی.

ایران خطینا گچیردی: آماندوردی نساری ۱۲/۹/۱۳۹۴ هجری شمسی ییل.

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*

Time limit is exhausted. Please reload CAPTCHA.