ترکمنستاندا ایران اسلام رسپوبلیکاسینینگ x11 یؤریتهلشدیریلن سرگیسی گچیریلدی
مارقوش- اخبار ترکمنستان: شو ییلینگ فورال آیینینگ 23-25 ی آرالیغیندا عشقآباد شهرینده یرلشن سرگی کؤشگینده ایران اسلام رسپوبلیکاسینینگx11 یؤریتهلشدیریلن سرگیسی گچیریلدی.تورکمن نیوز خبرچیسینینگ آیتماغیندا: ترکمنستانینگ ساودا-اقتصادی ادارهسی طاراپیندان قورنالان سرگیده ایران اسلام رسپویلکاسینینگ اساسی پوداقلارینینگ کارخانهلاریندا اؤندریلیأن خریدلارینگ کؤپ گؤرنیشلری گؤرکزیلدی. دأپ بولشی یالی هر ییلینگ فورال آییندا عشق آباتدا گچیریلیأن سرگی ایکی یوردینگ اقتصادیقاتناشیقلاریقووی اؤسدیرمأگه دوستلیقلی خوشنیئتلی قاتناشیقلارینگ چونگلاشدیرماغا چالیشیاندیغینی گؤرکزیأر. أگیرت اولی اقتصادی قوواته ایه بولان ایران اسلام رسپوبلیکاسی بیلن ساوودا-اقتصادی خذماتداشلیق ترکمنستانینگ ثبتنگ اهلی یورلری بیلن خوش نیئتلی قونگشیچیلیق قاتناشیقلارینی اؤسدیرمک بویونچا داشاری سیاحتینینگ اساسی اوغورلارینینگ بیری بولوپ دوریار.
مألیم بولشی یالی حاضرکی وقتدا ترکمنستان همده ایران گاز و برق و اولاغ آراقاتناشیق افتامبیل همده دمیر یوللاری قورماق اولغاملاریندا اوبا خوجالیغیندا سیاحتچیلیقدا و بیلهکی پوداقلاردا خذماتداشلیغی اؤستونلیکلی اؤسدیریأرلر. سونگقی ییللارینگ دوامیندا ایکی دوستلیقلی یورتلرینگ آراسیندا اقتصادی قاتناشیقلارینگ گریمنی خاصدا گینگلتمکلیگینگ نتیجهسینده 2015-نجی ییلینگ 9-نجی آیینینگ جمعلری بویونچا خرید دولانشیغینینگ مُچبری ایکی میلیارد 620 میلیون امریکان دلاردان هم گچدی. مونینگ اؤزی شوندان اؤنگکی ییلینگ دگیشلی دوورین دأکیسیندن2،2 گؤتریم یوقاریدیر.
ایران پرزیدنتینینگ 2015-نجی ییلینگ مارت آییندا ترکمنستانا بولان صاپارینینگ بارشیندا بولسا یاقین اون ییلینگ دوامیندا ایکی طاراپلایئن ساوودا خرید دولانشیغینینگ مُچبرینی 60 میلیارد امریکان دلارینا یتیرمک بارادا ایلالاشدی. عشق آباتدا گچیرلن سرگینینگ بؤلیملرینده ایرانینگ اقتصادینینگ اهلی پوداقلاریندا اؤندریلیأن اؤنیملرینینگ کؤپ گؤرنیشلری گؤرکزیلدی. ایران اسلام رسپوبلیکاسینینگ ماشین قورولوشوق هیمییا و الکترون پوداقلاریندا آزیق و ینگیل صناغاتدا (صنعت ده) اوبا هم سوو خوجالیغیندا قورلوشوقدا و قورلوشوق سریشدهلرینینگ اؤنیمچیلیگنده شیله هم سوو ساغلیغی قوراییش سریشدهلرینینگ مدنیت،بیلیم و سیاحتچیلیق اولغاملاریندا ایشلیأن کارخانهلارینگ یوزه قولای گینگ مُچبرلی سرگیده اؤزلرینینگ اؤنیملرینی هؤدیرلهدیلر.
سرگا قاتناشانلارینگ حاطاریندا ایران ساوودا، صنعت معدنلر و اوبا خوجالیق پالاتاسی خلق آرا سرگینی قورایجی« پارس پگاه تجارت» خلق آرا ساوودا شرکتی گرگانینگ ساوودا-صنعت،معدنلر و اوبا خوجالیق ادراهسی گلستان ولایتینینگ صنعت و ساوودا قوراماسی همده ترکمنستان بیلن کؤپدن بأری خذماتداشلیق اتیأن بیلهکی قورامالار شیله هم ترکمن بازارینا ایلکنجی گزک چیقیان کُمپانیالار بار. سرگینینگ دیوارلاریندا قورلوشوق،صنعتی سوو خوجالیغی جایلارینگ ایچینی بزهمک تیمارلاماق اوچین نیئتلنن اؤنیملرینگ کؤپ گؤرنیشی همده بیلهکیلر یرلشدیریلدی.
بو یرده مِتال توربالار دورلی گؤرنیشدأکی و اولیلیقداقی قاپیلار همده آینالار،کابل و برق گچیرجیلر و پلاستیک اؤنیملری توپلومی اوچین نیئتلنن توربا اؤنیملری همده آزیق و ینگیل صنعتینینگ دورموشدا اولانیلیان شیمیا اؤنیملری گؤرکزیلدی.«خورشیدی»ساوودا توپاری «سعید» صنعت توپاری «عمران ایران» «راش بینه گرگان» «علی مرولل نوین- تهران شرق توربالاری و انجاملاری» شرکتلری و بیلهکیلر قورولشوق اولغامینا وکیلچیلیک اتدیلر.«صهند صنعت توپلومینینگ شرکتلری دورلی گؤرنیشلی و رنگلی یوقاری هیللی آینالاری، شرکت الکتریک ایران بولسا دورلی گؤرنیشده لوازم برقی زادلاری هؤدیرلهدی. آزیق اؤنیملری بؤلیمینده « نگین» و«دانا»کُندیتر اؤنیملری« عالیا گلستان فود ایند استرییال شرکتینینگ رانا کیسیملی و گلستان صباح شرکتینینگ پنیرلری گؤرکزیلدی. هوزلارینگ و قاقیدیلان دورلی میوهلرینگ دورلی گؤرنیشلرینی اؤندریأن و بسته بندی اتیأن دستگاهلاری گؤرکزیلدی.
آراسساچیلیق سریشدهلرینی اؤندرمک اولغامیندا اینگ تازه دستگاهلاری اولانیان شیمایی بهداد شرکتی گلجککی بویریجیلارا اؤز ممکینچیلیکلرینی هؤدیرلدیلر ماللار و قوشلار اوچین اییملری اؤندریأن گرگان دشت کارخانهلار توپاری اوبه صنعت توپلومنینگ خریدلارینی گؤرکزدی. رضوی قوسپیتال شرکت ساغلیغی قوراییش اولغامیندا گینگ ممکینچیلکلرینی گؤرکزدی. سرگیده بو ثبتنگ تأسین تاریخی-مدنی و طبیغی یادگارلیکلری باراداقی کتاپچالار همده گؤرکزمه اسبابلاری شکللندیریش صونغاتینینگ آجاییپ اثرلری بیلن بأسلشیأن حالی و حالی اؤنیملرینینگ نوسخالاری ساووغاتلیق اؤنیملر بیلهکی زادلار گؤرکزیلدی.
بو قیمّاتلیقلار قونگشی ایران خلقینینگ بای تاریخینا و قدیمی مدنیتینینگ اؤز بولوشلی صونغاتینینگ شعلهلندیریأر. سرگینی قورایجیلار یؤریتهلشدیریلن گؤزدن گچیریلشینگ ترکمنستاندا اغلان ادیلن میراثا صارپا قویماق و واطانی اؤزگرتمک ییلینا گچیریلیأندیگینی ناظارا آلماق ایکی یوردینگ خذماتداشلیغینینگ انسان پرور اوغرونا آیراتین اؤنس بردیلر. بو اوغور بولسا تورکمن و ایران خلقلارینینگ عصرلارینگ آلادالاری گؤز باش آلیان تاریخی-مدنی قاتناشیقلاری بیلن آیریلماز باغلانشیقلیدیر.
ایران خطینا گچیردی آماندوردی نساری
20/12/1394 هجری شمسی