جدیدترین مطالب
خانه » اخـبــــــــار » اخبار ویژه » ایران بیلن تورکمنستانینگ خوش نیت‌لی قونگشی‌چیلیق قاتناشیق‌لاری

ایران بیلن تورکمنستانینگ خوش نیت‌لی قونگشی‌چیلیق قاتناشیق‌لاری

مارقوش – تورکمنستان خبرلری: تورکمنستان پاراخات‌چیلیغی سؤییجی، آغزی بیرلیگی، خوش نیت‌لی دوست دوغان‌لیق قاتناشیغینی قولدایان دولت حؤکمینده دنیانینگ أهلی یوورت‌لاری، آیراتیندا، یاقین قونگشی‌لاری بیلن اؤز آرا پیدالی قاتناشیق‌لاری‌نینگ بیریکدیرلمه‌گینی و اؤسدیریلمه‌گینی یووردینگ داشاری سیاست استراتژی‌سینینگ مهم اوغورلاری‌نینگ بیری حاساپ‌لایار.
مارقوش خبرچیسینینگ آیدمیشینا گؤرأ، تورکمنستان شونینگ اوچین جمهوری اسلامی ایران قونگشی‌سی بیلن دوستلیق‌لی قاتناشیق‌لاری برکیتمک و خیذمات‌داش‌لیغینگ اوغورلارنی خاص هم گینگه‌لتمک ماقصادنامالاری گینگ گریمه ایه بولیار.
تورکمنستان قونگشی جمهوری اسلامی ایرانی سبیتده اینگ یاقین خذماتداش دولت لرینینگ خاطا_ریندا گؤریأر. تاریخی، مدنی عمومی‌لیق‌لارا ایه بولان تورکمن و ایران حالق‌لارینی مونگ ییل‌لیق‌لارا اوزایان قاتناشیق‌لار بیرلشدیریأر.
ایران بیلن تورکمنستان آراسیندا دیپلوماتیک قاتناشیق‌لار ۱۹۹۲-نجی ییلینگ ۱۸ -نجی فوریه آیندا یولا قویولدی. شول گوندن بأری گچن دؤورده ایکی قونگشی یووردونگ آراسیندأکی خذمات‌داش‌لیغینگ برک شرطناما_حقوق بنیادی دؤره‌دیلدی.

Rohani-BerdiMohemedof (4)

تورکمنستان و جمهوری اسلامی ایران سبیت آرا و حالق آرا قورامالاری‌نینگ چأک‌لرینده ایشجنگ خذماتداش‌لیغی ساقلایارلار.
ایکی دولت اقتصادی خذماتداشلیق قوراماسینینگ چأگینده آلینئپ باریلیان خذماتداشلیغا هم اولی اهمیت بریأرلر. تورکمنستان بو قورامانینگ تهران‌-دا ۲۰۰۹-نجی میلادی ییلینگ مارس آییندا گچیریلن ۱۰ -نجی مناسبت‌لی ییغنانشیغینا ۲۰۱۲-نجی ییلینگ آگوست آییندا قوشولمازلیق حرکتینگ دولت و حکومت باش توتان‌لارینینگ ایرانینگ پایتختی تهران-دا گچیرلن ۱۶ ییغنانشیغیندا قاتناشدی.
ایکی یووردونگ آراسیندا انرژی، اوپجونچیلیک اولغاملاری، اولوغ و آرا قاتناشیق، اوبا_خوجالیغی و مال‌دارچیلیق، نفت و گاز، سودا اقتصادی، علمی_تکنیکی و مدنی اوغورلاردا خذماتداش‌لیق آلینیپ باریلیار.
تورکمنستانینگ اکسپورت و ترانزیتیندا ایران اؤنگ‌دأکی اورون‌لاردا دوریار. تورکمنستان‌دا اؤنیم اؤندوریأن، قورولشیق بیلن مشغول‌لانیان بیله‌لیکدأکی تورکمن ایران کارخانه‌لاری، سؤودا شرکت‌لری اولی ایشلری أتیأرلر. ایران تورکمنستان‌دا انچمه ساپار اؤز خریدلارنینگ سرگی‌لرینی قورادی.
۲۰۱۱ -نجی ییلینگ ژانویه آییندا جمهوری اسلامی ایرانینگ مشهد شهرینده تورکمنستان‌دا اؤندریلیأن اؤنوم‌لرینگ سرگیسی گچیریلدی.
۱۹۹۷-نجی ییلینگ ۲۹ دسامبریندا تورکمنستاندان ایرانا تاراپ کؤرپه‌جه قورتغویی گاز گچیریجیسی قورولوپ، اوللانماغا بریلدی. بالقان آباددان ایرانینگ علی آباد شهرینه چنلی یوقاری قوواتلی الکتریک گچیریجیسی هم قورولدی.

ایران تورکمن‌باشی شهریندأکی نفتی قایتادان ایشله‌یأن کارخانه‌لار توپلومنینگ دورقینی تأزه‌لمأگه یاقیندان قاتناشدی. تورکمن_ایران خذمات‌داشلیغنینگ دورلی اوغورلاریندا قازانیلان اوستونلیک‌لر قوواندیرجی‌دیر.
تورکمنستان و جمهوری اسلامی ایران مهم سبیتلی سیاسی اولوغ آرا قاتناشیق تاسلامالارینی باشلایجی و اونی عملا آشیریجی دولت‌لر حؤکمینده چیقیش اتدی‌لر.
۱۹۹۶_۱۹۹۲ نجی یبللاردا قورلان تجن، سرخس، مشهد دمیر یولی دینگه بیر ایکی دولت اوچین دأل، ایسم، توتوش سبیت دأکی دولت‌لر اوچین هم اهمیت‌لیدیر.

قزاقستان، تورکمنستان و ایرانینگ دمیریول‌لارینی بیریکدیرن اوزن، قزل قایا، برکت، اترک، گرگان دمیریولی اقلیم آرا اولاغ_آراغاتناشیق اولغامیندا خذماتداشلیغینگ تأزه نتیجه سی بولدی.
اوبا_خوجالیغیندا خذماتداش _لیغینگ اونگین تجریبه‌سی قازانیلدی. تورکمنستان، ایران سرحدینده دوستلوق سوو بندی قورولدی. انسانپرورلیک اولغامدا هم ایکی تاراپلایین قاتناشیق‌لار اوستون‌لیکلی اؤسدوریلیأر.

ایکی دوغانلیق یووردونگ آراسیندا ایسنیشیقلی مدنی و علمی قاتناشیق‌لار یولا قویولدی. تورکمنستان انچمه گزه‌ک جمهوری اسلامی ایرانینگ مدنیت گون‌لری، فیلم جشنواره‌لری، ایران صورات _کش‌لرنینگ سرگی‌لری گچیریلدی.
۲۰۱۵ -نجی ییلینگ مارس آییندا ایرانینگ تورکمنستان دأکی مدنیت گون‌لری هم اوستونلیک‌لی گچیریلدی.

۲۰۱۴ -نجی ییلدا جمهوری اسلامی ایرانینگ گلستان ولایتینینگ آق توقای اوباسیندا بییک تورکمن شاهیری مخدوم‌قلی فراغی‌نینگ ۲۹۰ ییل‌لیغنینگ حورماتینا اولی دابارا قورالدی.
خوش نییتلی دوغانلیق_دوستلیق همده بیرک-بیرگه حورمات قویماق یؤرلگه‌لری تورکمنستان بیلن ایرانینگ دولت آرا قاتناشیق‌لاریندا اولی اورون توتیار. ایکی دوستلیق‌لی یووردونگ آراسیندأکی خذماتداش‌لیغینگ گریمی تأزه درجه‌لره ایه بولیار.

۲۰۱۵ -نجی ییلینگ ۱۱-نجی مارسیندا جمهوری اسلامی ایرانینگ رئیس جمهوری دکترحسن روحانی-نینگ تورکمنستانا دولت ساپاری بولدی.
تورکمنستانینگ پرزیدنتی قربان قلی بردی محمدوف شو ییل تورکمنستانینگ همیشه‌لیک بیتاراپ‌لیق درجه‌سینینگ بیرله‌شن ملت‌لر قوراماسی تاراپیندان اقرار ادیله‌نینه ۲۰ ییلینگ دویاندیغنی بلله‌مک بیلن، ایرانینگ رئیس جمهوری؛ دکترحسن روحانینی شانلی واقعا مناسبتلی ۲۰۱۵ -نجی ییلینگ ۱۲ -نجی دسامبریندا تورکمنستان پایتختیندا گچیریلجک بایرام‌چیلیق دابارالارینا همده بیتاراپ‌لیق سیاستی: پاراخات‌چیلیق، خووپ‌سیزلیق و دورنیق‌لی اؤسوش اوغروندا حالق‌آرا خذمات‌داشلیغی آدلی یوقاری درجه‌لی حالق آرا ماصلاحاتا قاتناشماغا چاغیردی.
قوی، تورکمنستانینگ قونگشی جمهوری اسلامی ایران بیلن دوست دوغانلیق قاتناشیق‌لاری موندان هم بیلأک پوغتالان‌سین.

تاییارلان‌لار: یوسف نورتقانی
تورکمن نیوزینگ خبرچی‌سی: آمان‌دردی نساری (آمانلی)
۱۳۹۴/۰۷/۲۲

جوابی بنویسید

ایمیل شما نشر نخواهد شد.خانه های ضروری نشانه گذاری شده است. *

*

*

code

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.